Түрмелерге бейнетаспа қойылады
«Жаманшоқы» жабылады! Келесі жылы Солтүстік Қазақстандағы атақты абақтының есігіне қара құлып салынбақ. Сондай-ақ, Қарағанды облысындағы тағы бір колония да жұмысын тоқтатады.
Автор: Жәудір Оразхан
20.10.2014
Өйткені, бұл түрмелерде шешімін таппаған түйткілдер шаш етектен. Оның үстіне жазасын өтеушілердің саны азайған соң осындай қадамға бардық,- дейді шенеуніктер. Қазір Ішкі істер министрлігі «Жаманшоқыдағы» сотталғандарды өзге абақтыларға көшіруді қарастырып жатыр. Сондай-ақ, жаңа жылдан бастап еліміздегі темір торға тоғытылғандардың жүріс-тұрысы онлайн-камера арқылы бақылауға алынбақ. Ол үшін Үкіметтен 615 млн. теңге бөлініп қойыпты. Бейнебақылау арқылы сотталғандардың әр қадамын, яғни абақтыдан абақтыға неге ауыстырылғанын, мерзімінен бұрын шартты түрде кімдердің және не себепті босатылғанын, кездесуге келгендер мен полицейлердің қарым-қатынасын жіті қадағалауға болады.
Теңізжан Жәнібеков, ҚР ІІМ Қылмыстық атқару жүйесі комитеті төрағасының орынбасары:
-Видеорегистраторлар биылдан бастап Маңғыстау, Солтүстік Қазақстан облысында пилоттық жобп ретінде қаралып жатыр. Қазір әр қызметкерде күнделікті қызметке түскен кезде видеорегистратор бар. Жұмыс барысының бәрі түсірілімге алынған. Әрбір сотталғанның қалай түскенінен бастап, толығымен босатылып шыққанына дейін барлық қозғалысы есепте болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
