Депутаттар тұрғын үйді жаңғырту бағдарламасын сынға алды
Бюджет қаражаты миллиардтап бөлінген бағдарлама тағы да құрдымға кеткелі тұр. Бұл жолы Мәжіліс депутаттары «Тұрғын-үй коммуналдық шаруашылықты жаңғырту бағдарламасын» жерден алып жерге салды. Өйткені, бағдарлама 2011-ші жылдан бері жұмыс істесе де, әлі мыңдаған көппәтерлі тұрғынүй сол күйі апатты жағдайда тұр.
Автор: Гүлнұр Имандосова
20.10.2014
Бүгінгі талқылауға депутаттар тыңғылықты дайындалып келсе керек. Шенеуніктерді сынға алмас бұрын оларға жөндеуден өтсе де, құлағалы тұрған үйлер туралы бейнесюжеттерді көрсетті. Сапасыз жөнделген көппәтерлі үйлерге шенеуніктердің айтарға сөздері болмады. Тек бағдарламаны аяқтан тік тұрғызу үшін халық қалаулыларының өздерінен көмек сұрай келген. Сондықтан, алдағы уақытта бағдарлама жұмысын тек Үкімет қана емес, Мәжіліс депутаттарынан құрылған жұмыс тобы да бақылап отырмақ. Ал, депутаттардың сынын естіп үйренген шенеуніктер болса, бүгін алғаш рет өз қателерін көпшілік алдында мойындады.
Қайырбек Өскенбаев, ҚР Ұлттық экономика вице-министрі:
- Бізден қателік болғаны: біз ойладық қандай істейтін жұмысты тұрғындар өздері шешеді де белгілейді деп.Сосын бізге ұсыныс береді. Бірақ, біз ойлағандай болған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
