Атырау көшелерімен төрт қабатты үймен тең алып көлік жүріп өтті
Атырау көшелерімен алып техника өтті. Мұнай жылытуға арналған құрылғының биіктігі 4 қабатты үймен тең. Еуропадан теңіз арқылы жеткен 340 тонналық жүкті алып өту үшін, көшедегі билбордтардан бастап бағдаршам бағандарына дейін алып тастауға тура келді.
Автор: Жанар Низамутдинова
20.10.2014
Жылыту қондырғысының биіктігі мен ені 11 метр. Қала сыртындағы көлік жолдары тым тар болғандықтан, орталық көшелермен алып жүруге мәжбүр болдық, - дейді жүкті тасымалдауға жауапты компания қызметкерлері. Тіпті жолдағы бірнеше бағдаршам мен жарнама тақтайшалары алынып тасталды. Кей жерлерде арнайы мамандар электр желілерін көтеріп, алып жүктің кедергісіз өтуіне жағдай жасаған. Таңғы жеті жарымда теңіз портынан қозғалған жүк қаладан тек кешкісін шықты. Сағатына 15 шақырым ғана жүретін мына көлік Атыраудан 300 шақырым жердегі Теңіз кенішіне тек 1 аптадан соң жетпек.
Субтитр: Азамат Ізтілеуов, «Саренс» АҚ Атырау филиалының сату менеджері:
-Біз бұл жұмысқа 6-8 ай дайындалдық. Өте қиын жұмыс болды. Бүкіл органдармен келісім алдық. Трассаға әсер етпейді, себебі 160 дөңгелегі бар. Әр дөңгелекке екі тоннадан артық түспейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
