Леңгірдегі №1-ші және №2-ші мектептің арасындағы кикілжіңнің келе жатқанына біраз жыл болған екен. Бұл жолы да қос мектептің бірнеше түлегі өзара мықтыны анықтамақ болыпты. Кешкісін төрт-төрттен жиналған екі топ қаруларын беліне байлап, кездесуге келген.

-Жастар арасындағы қақтығыс Леңгірдің орталығындағы мына тойхана маңында болды. Көшеде тұрған 4 жігіттің жанына кенеттен көлік келіп тоқтайды. Ішінен түскен бір топ жігіт әй-шайға қарамай атыс бастапты.

Салдарынан, 16 жастағы оқушы Айдос Жолдас ауыр хәлде қалалық ауруханаға жеткізілді. Басынан жарақат алған ол бірнеше күн бойы жансақтау бөлімінде жатып, енді ғана жалпы палатаға шығарылған. Ұлының ауыр жағдайда төсекке таңылғанын ата-анасы білмейтін болып шықты. Шетелге демалуға кеткенде, ұлы осы жағдайға ұшырап отыр.

Дәулет Мұсаев, Леңгір қалалық ауруханасының бөлім меңгерушісі:

-Түскен кезде жағдайы ауыр, өйткені басына оқ атылған бытырамен. Төбесіне маңдайына, шекесіне және оң қолының бірінші саусағы аймағына. Олардың бәрі операция істеп алынды. Қазіргі уақытта жағдайы ауыр.

11 сыныпта оқитын Айдостың мұғалімдері бұл оқиғадан кейін ата-аналармен күрделі әңгіме жүргізіпті. Енді бұл мектептің бітіруші сыныптары, кешкі уақытта жүруіне тыйым салынады. Мұны ата-аналар жіті қадағалауы қажет. Әйтпесе, Леңгірде жүру аса қауіпті сияқты. Себебі, көшедегі жанжалға қатысқан 8 жігітте 7 қару болыпты. Ал, олардың екеуі тіпті 18-ге де толмаған.

Байбол Анефияев, Леңгір қаласы прокурорының орынбасары;

-Жәбірленуші жақтан қазіргі таңда 3 шолақ мылтықпен бір жарақат салатын қару алынған. Күдіктілер бүгін ұсталып отыр. Олардан 3 шолақ мылтық алынған.

Шолақ мылтықтан оқ атып, оқушыны жаралаған жігіттің де жасы небәрі 17-де болып шықты. Шымкенттегі колледждердің бірінде оқитын ол Леңгірге келген екен. Қазір, оны полицейлер жолдастарымен бірге тергеп жатыр. Ал, басынан жарақат алған Айдос болса әлі бір айдай ауруханада жатуы тиіс.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!