Жеке куәліктегі сурет түрлі-түсті болады
Елімізде желтоқсаннан бастап жаңа жеке куәліктер беріледі. Бұл туралы бүгін Мәжіліске есеп беруге келген Ішкі істер министрі мәлімдеді.
Автор: Жәудір Оразхан
20.10.2014
Яғни, төлқұжаттың дизайнына бірақтар ерекшеліктер енбек. Жеке куәліктің бетінде көк Туымыз, Елтаңба мен Қазақстанның картасы бейнеленеді. Және құжат иесінің суреті түрлі-түсті болмақ. Ең бастысы, заманауи технологияның көмегімен құжаттағы суреттің сапасын жақсарттық және оны көшірмеден бірден айыруға болады,- дейді министр. Бұл – бұдан былай жалған куәлік жасауға мүлдем мүмкіндік болмайды деген сөз. Десе де, жаңа құжаттың бағасы өзгермейді, бұрынғыша 370 теңге мемлекеттік баж салығын төлесеңіз болғаны.
Қалмұханбет Қасымов, ҚР Ішкі істер мимнистрі:
-Құрметті депутаттар,сіздер төлқұжатқа қатысты талай рет ескерту жасадыңыздар. Жеке куәліктер өңсіз, суреттері түрлі-түсті емес деп сынадыңыздар. Біз бір жыл бойы осы мәселенің шешімін іздедік. Жаңа құрылғылар сатып алдық, сөйтіп, жеке куәлікті қайта өңдеп, бірқатар өзгертулер енгіздік.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
