Висенте Лоссерталес «Экспо» құрылысына ерекше тәнті болды
Висенте Лоссерталес «Экспо» құрылысының үлкен қарқынмен салынып жатқанына ерекше тәнті болды. Халықаралық көрмелер бюросының Бас хатшысы тіпті 25 жылдық жұмыс барысында мұндай шапшаңдықты бұрын-соңды көрмедім деп таңдай қақты.
Автор: Ербол Сейілхан
21.10.2014
Бүгін Астанаға кезекті рет келген Висенте Лоссерталес, бұл үшін Нұрсұлтан Назарбаевқа қайта-қайта алғыс айтумен болды. Мәртебелі мейманды қабылдаған Елбасы алдағы Арқаның қысына қарамастан құрылыстың мерзімінен кешікпейтінін айтты. Ал халықаралық көрмелер Бюросының Бас хатшысы «Экспо» нысандарының тұрғызылуын, ұйымдастыру жағының қалай жүріп жатқанын бақылауға келген. Лоссерталес мырзаның көргеніне көңілі толды. 2017 жылы өтетін «Экспо» көрмесін өткізуге шамамен 3 миллиард доллар жұмсалмақ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
