Школьник ұсынысының қолдау таппағанына өкпелемейтінін айтты
Энергетика министрлігі бензин қорын құрмақ. Сөйтіп қат тауарға айналған АИ 92 –ні көп көлемде жинап алмақшы. Осы арқылы тапшылықты түбегейлі жоймақ ойда.
Автор: Гүлнұр Имандосова
21.10.2014
Жаңа жылға дейін елімізге АИ-92 маркалы 272 мың тонна бензин жеткізіледі деп жоспарланып отыр. Бұл отын түрі бұған дейін Әзірбайжан мен Түркіменстаннан тасымалданса, енді Қытайдан да алынбақ. Себебі, жөндеуге тоқтаған елдегі 3 бірдей мұнай өңдеу зауыттарын жаңғыру мерзімі көктемге қалған.Тіпті, зауыттар жүз пайызға жұмыс істегеннің өзінде елдегі жанармай тапшылығы мүлдем жойылмайтын түрі бар. Дегенмен, қазір еліміздің шекараcында жанармай өнімдерінің заңсыз шығуына жол бермеу үшін бақылау шаралары да күшейтілген. Ал, энергетика министрі Владимир Школьниктің сөзіне сенсек, жанар-жағармай нарығындағы ахуал тұрақталған. Бензинді үнемдеу үшін жұртты автобусқа мінуге шақырған министр, бастамасының аяқсыз қалғанына ренжімейтінін айтты.
Владимир Школьник, ҚР Энергетика министрі:
-Көшеде машина азайғанын көрген жоқпыз. Елдің бәрі әлі үлкен көліктерімен зуылдап жүр. АИ-92 бүкіл жерде бар. Біз мұны қадағалап отырмыз. Көп облыста май құю бекеттеріндегі шектеулер алынып тасталды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
