Ғажайып робот туралы жаңа мульфильм
Ең мейірімді робот! Атақты «Тарзан», «Рапунцель», «Мулан» мультфильмдерін жасаушылар балақайларға арнап тағы да шытырман оқиғаға толы жаңа туындыны түсірді. Бұл жолы бүлдіршіндерді «Бэймакс» атты шар тәріздес топ-томпақ робот таңқалдырмақ. Хикая тұл жетім қалған бала мен оның роботпен ажырамас достығы жайлы. Ересектерді жылататын, ал кішкентай көрерменін тек қайсарлыққа жетелейтін «Город героев» мультфильмі сенбіден бастап еліміздегі барлық кинотеатрларда көрсетілмек. ...
Автор: Аруна Ортай
22.10.2014
bsp;
Голливуд не түсірсе де ол ең бірінші боп, әдетте, Америкада, сосын барып Ресейде көрсетіледі. Одан кейін ғана кино біздің елге келеді. Алайда, бұл жолы бәрі басқаша. Әлемдік премьера тұңғыш рет Қазақстаннан басталды!
Қайрат Нұрмағамбетов, блогер:
-Ұлымды бірінші рет кинотеатрға алып келдім. Толқып тұрмыз. Мультфильм ұнамаса, тұрып кетіп қалуымыз мүмкін.
Бірақ ешкім де кете қоймады. Керісінше, бүлдіршіндермен қатар ересектер де мультфильм билеттеріне таласып қалды.
-Ал бұл басты кейіпкердің өзі. Жұп-жұмсақ ең мейірімді робот. Шар тәріздес үрілген Бэймакс кәдімгі балақаймен дос болады. Әке-шешесінен ерте айырылған тұл жетімді ол түрлі қатігез жауыздардан құтқарып, нағыз ажырамас жолдасына айналады.
-На нас напал супер-злодей! Прикиньте! Бежим!
Көрерменін бірден баурап әкететінГолливудтың кезекті туындысын «Дисней» және «Сони» студияларының ресми дистрибьюторы «Меломан» компаниясы ұсынып отыр. Мультфильм 3D форматында. Аты анимация болса-дағы, бұл үлкендердің жүрегін елжіретіп жібереді.
-Мы вас вылечим... Бэймакс!
Ендеше сіз де кинотеатрға асығыңыз! «Город героев» деп аталатын осы маусымның ең жаңа мультфильмін жіберіп алмаңыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
