Бұл азаматтарға тиесілі ортақ жер теліміне бірнеше айдан бері қожайын табылған көрінеді.Қалталы азаматкөпқабатты үйдің жанына 6 метрлік дуал салып, енді міне, тура үйдің алдын да, қоршауға кіріскен. Тұрғындар бұл құрылыстың заңсыз жүріп жатқанына сенімді.

Мария Жолдыбаева, Алматы қаласының тұрғыны:

-Бізде әкімдік болған. Сол әкімдікке барғанда мен Ақшолақов пен Есенберлин деген сәулетші бар солардан сұрағам: «мына жерге гараж салсам бола ма?»-деп. Олар айтты мына жердің бәрі сатылып кеткен деп.Сол бәрін сатып жіберген.

Енді осы 3 қабатты үйдің тұрғындары жерді сатып, көпке ұзамай қызметтерін ауыстырған әкім қаралардың кесірінен зардап шегіп отыр. Себебі ықшамауданды қалаға қосар кезде бұл үй ескерілмей қалған. Тіпті, шаһардың электронды картасынан да жоғалып кетіпті.

Валентина Торубарова, Алматы қаласының тұрғыны:

-Біз көп қабатты тұрғын үй ретінде қаланың құрамына кіруіміз үшін жер теліміміз болуы керек. Бірақ бізде ол жоқ. Сатылып кеткен. Мына сарымен боялған жер телімі біздікі болуы керекеді. Ал, енді қараңызшы, ол мына жасылмен боялған тура біздің үйдің алдына дейін келеді.Сондықтан біз қалаға да, облысқа да жатпаймыз.

Ал халықтың жерін иеленген азамат осы жерге жеке балабақша салуды жоспарлапты. Бірақ тұрғындарбұған қарсы. Себебі, «аулада алақандай жер қалмайды» деп ашынады.

Гүлмира Насырова, Алматы қаласының тұрғыны:

-Не жедел жәрдем өте алмайды. Құдай сақтасын, ертең өрт болса, пожарный да өте алмайды. Мүлде қиын болып кетті мына жерде өмір сүру.

Жұрт арыз-шағымын боратып, құзырлы орындарға сан мәрте барғанымен, ешқандай жауап алмапты.Аудан әкімдігі бізге де қандай да бір ақпарат беруге құлықсыздық танытып, қалалық сәулет басқармасы мен жер инспекциясына сілтеді. Ал қаланың бас сәулетіне жауаптылар мәселеден мүлдем хабарсызбыз деп отыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!