«Экспо» көрмесіне кіру билетінің бағасы белгіленді
«Экспо» көрмесі кезінде отандық кәсіпкерлер қызмет көрсету бағасын көтере алмайды. Ұйымдастырушылар жекелеген қонақүйлермен алдын- ала осындай келісім жасамақ.
Автор: Гүлнұр Имандосова
23.10.2014
2017-ші жылы өтетін «ЭКСПО-2017» халықаралық көрмесіне әлемнің 100 елінен млндаған туристер келеді деп жоспарланған. Қонақтар алдында ұятқа қалмасы үшін шенеуніктер елордадағы қонақ үйлер бағасының қымбаттауына жол бермеуге білек сыбанып отыр. Тіпті, Астанаға келген әр мейманға ерекше жағдай жасамақ. Туристер үшін «Эскпо» қалашығында бес жұлдызды отель тұрғызылады. Тіпті, көрме аумағынан одан бөлек тағы 1 жарым мың жаңа пәтерлер салынбақшы. Сәйкесінше, бағасы да қалта көтеретіндей болады. Ал, «Экспо» арқылы ақша жасағысы келген кәсіпкерлер анықталған жағдайда, тиісті шара қолданылады. Жауаптылар қалашыққа кіретін билет бағасын да 6 жарым мың теңге шамасында деп белгілепті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
