Алматыда дүкенді қиратқан жүргізушіге іздеу жарияланды
Алматыда кесірі дүкенге де тиген ірі жол апаты тіркелді. Зардап шеккен жан жоқ. Есесіне материалдық шығын саны жетерлік. Оқыс оқиға таңғы төрттер шамасында, Рысқұлов көшендегі мына шағын дүңгіршікте болған. Жеңіл көлік дүкенге қатты жылдамдықпен келіп соғылыпты. Мұнымен де тоқтай алмай, жиекте тұрған басқа машинаны да сырып кеткен. Ал сауда орнының сау тамтығы жоқ. Қайта сатушы қыз аздап шошып қалғаны болмаса, дін аман. Жүргізуші болса, көлігінен түсе салып, ізін суытқан. Қазір Жамбыл өңіріне тиесілі нөмірдің иесі іздестіріліп жатыр.
Автор: Құралай Пионер
23.10.2014
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
