Эбола банан арқылы жұқпайды деген қорытынды шығарылды
Эбола банан арқылы жұқпайды. Бүгін қатерлі дерттің тарау жолына қатысты ел ішінде жайылған қауесетке Тұтынушылар құқын қорғау комитеті осындай жауап қатты.
Автор: Құралай Пионер
24.10.2014
Мамандар осылайша соңғы уақытта әлеуметтік желі арқылы тараған қауесетті жоққа шығаруда. Себебі кей өңірлерде тіпті бұл жайт СМС арқылы да тарай бастапты. Оған Батыс пен Ресей басылымдарында айтылып жатқан жаңалықтар бірден-бір себеп болса керек. Тіпті онда Эбола дертін тарататын өнім деп бірінші бананды атаған. Африкадан бізге де жылына 100-деген тонна экзотикалық жеміс жеткізіледі. Сондықтан санитарлар безгектің тікелей тарау жолы деп ауа, қан тамыры және жұқтырған адаммен жақын қарым-қатынаста болуды ғана көрсетіп отыр. Айта кетсек, бүгінде Африкада тараған бұл індеттен 5 мыңға жуық адам қаза тапты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
