Елімізде тастанды нәрестелерге арналған жәшіктер орнатылмақ
Жантүршіктірер жәшіктер! Жақын күндері елімізде нәрестелерді тастауға арналған жәшіктер пайда болады. «Бэйбибокс» деп аталған контейнер тәріздес темір қораптар перзентхана мен ауруханалардың маңына қойылмақ. Яғни, жаңа туған сәбиінен бас тартқан кез-келген көкек-ана шырылдаған шарананы көрінген жерге емес, сол «бэйбибокстардың» ішіне тастай алады. Билік бұған соңғы кезде қоқысқа тасталып жатқан сәбилер санының артуынан кейін мәжбүрліктен барып отыр.
Автор: Аруна Ортай
24.10.2014
Қытай. Келіншек жаңа туылған сәбиін дәрет сындыратын тесікке тастап жіберген. Абырой болғанда періштенің шырылдаған даусын көршілері естіп, құбырға қысылған жерінен құтқарып қалды. Қазақстандық көкек-аналардың да небір қылықтары жаға ұстатпақ түгілі, шошытады. Біздің елде де соңғы 10 жыл ішінде сәбиінен бас жәй ғана бас тартпай, қоқысқа лақтырып кетіп жатқан тасбауыр ата-аналар саны еселеп артқан.
Бақыт Түменова, «Аман-саулық» Қоғамдық қорының Президенті :
-Өңкей қоқыс жинайтын нәрселерге, қайда болса сонда тастап кетеді. Қыста подъездің алдына тастап кетеді.
Алматыда ғана бір айда кемі 15 әйел баласынан бас тартады екен. Тұрақты түрде 1-2 шақалақ сасыған қоқыстың арасынан табылады. Бұл тас түйін статистика. Жантүршіктірер, кейде жылататын оқиғаларды болдырмас үшін бұдан былай елде «Бэйбибокстар» қойыла бастайды.
Бағдагүл Әбдірасылова, Алматы қаласы Денсаулық сақтау басқармасының басшысы:
- Баланы анасы келіп, ашылатын есігі болады, сол есікті ашып, сол баланы сол күйвезге салады. Сол күйвездің ішінде өзінің элементтері бар. Ол 1, 2, 3 перзентханаға қойылуы мүмкін қаланың әрбір аудандарындағы
Жәшікке бала түскен сәтте қондырғы шырылдай жөнеледі екен. Сонда мейірбикелер дереу тастанды баланы ала қояды. Іші – жып-жылы. Ал көкек-аналар баланы көрінген жерге емес дәл осы жәшікке тастағанда, оларды кейін түсіріп алып, әшкерелейді-ау демес үшін бейнебақылау орнатылмайды.
Бэйбибокс – яғни балаларды тастауға арналған жәшіктер мінекей мынадай ауруханалардың терезе түптерінде орнатылады екен. Яғни, баласын тастауға бел буған ана жәшікті ашып, жаңа туған нәрестесін соның ішіне қалдырып кете алады. Бірақ бұл көкек аналардың күнәсін жеңілдету үшін емес, керісінше, мәйіті көбінесе, қоқыстан шығатын бейкүнә сәбилердің өмірін сақтап қалу үшін амал құрығандықтан жасалып отырған шара.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
