Жоғарғы Радаға Коммунистер өткен жоқ
Украинада парламент сайлауының алғашқы қорытындысы жария етілді. Жоғарғы Радаға 7 партия өткен.
Автор: Олжас Байжан
27.10.2014
Ең көп дауыс жинаған президент Петр Порошенконың жақтастары. Оларды сайлауға қатысқан халықтың 25 пайыздайы қолдаған. «Петр Порошенко блогымен» қатараса премьер-министр Арсений Яценюктың «Халықтық майданы» келеді. Олар 22 пайыз дауыс жинапты. Сондай-ақ Радаға «Самопмощь, «Ляшко партиясы», «Аймақтар», «Свобода» және «Баткивщина» партиялары өтіп отыр. Үкіметті енді сол Яценюк пен Порошенко партиялары бірлесе құратын болады. Премьер мен президент келіссөзді бүгін бастап та кетті. Бір айта кетерлігі, Радада бұрынғыдай 450 емес, енді 427 депутат отырмақ. Өйткені, 27 мандат соғыс жүріп жатқан шығыстағы аймақтар мен Қырымға тиесілі болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
