Алматыда Ұлттық гвардия сарбазы асылып өлді
Алматыда сарбаз өз-өзіне қол салды. Ішкі істер министрлігіне қарасты №55-71 әскери бөліміндеборышын өтеп жүрген жауынгер қоймада асылып өлген.
Автор: Олжас Байжан
27.10.2014
19 жастағы Ақберген Найзабеков әскер қатарына былтыр Маңғыстау облысынан шақырылыпты. Ал үйіне қайтуына бір айға жетер-жетпес уақыт қалған екен. Бөлім басшылары таратқан мәліметке қарағанда, марқұмның өзі басқаларға әлімжеттік көрсетіп, жауапқа тартылуы тиіс болған екен. Суицидке де осы жайт итермелесе керек. Дегенмен командирлері тергеу құпиясы деп әзірге басқа мәлімет таратпай отыр. Айта кетсек, дәл осы әскери бөлімде 4 жыл бұрын да запасқа кетуіне бір ай қалған сарбаз тура осылай асылып өлген. Былтыр мамыр айында да екі сарбаз қашып кетіп, артынан ұсталған болатын.
Нұрбай Бектұрсынов, ҚР ІІМ Ішкі әскердің оңтүстік өңірлік қолбасшысының орынбасары:
– Алматы горнизонындағы ішкі істер органдары бойынша тергеу жүргізіліп жатыр, әскери прокуратура бақылауға алған. Тергеуде бастапқы себептердің бірі манағы бала тәртіп бұзушылық жасап қойған екен. Сол бойынша тергеу жүріп жатқан кезде ол кінәсін сезгеннен болар жауапкершіліктен қорыққаннан осындай қадамға барды ма деп ойлаймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
