ШҚО-да полицейлер кеудесіне камера іліп жүретін болды
Шығыс Қазақстандық тәртіп сақшылар енді қолдағы ала таяқтан бөлек кеудесіне бейнекамера іліп жүретін болды. Мұны полицейлер жемқорлықтың алдын- алу үшін қолға алған.
Автор: Олжас Сайлаубекұлы
28.10.2014
Шығыс Қазақстан бойынша осындай камералардың 700-дей данасы таратылды. Әзірге көлемі ұялы телефонмен бірдей құрылғылар Өскемен, Семей, Риддер қалалары мен Зырян, Аякөз аудандарының қызметкерлерінде бар. Енді жаңа жабдыққа ие болған тәртіп сақшысы оны жұмысқа кіріскенде қосып, тек ауысым соңында ғана сөндіреді. Үзіліс кезінде оны уақытша өшіруге де болады екен. Жұмыс аяғында жазбалар басқармаға тапсырылады. Ішкі істер министрлігі осылайша пара алудың жолын кеспек. Сонымен қатар тәртіпті бұзған азаматқа түсірілген бейнені көрсету арқылы бұлтартпас айғақ ретінде қолдануға ыңғайлы,- дейді.
Әділбек Нығманов, Семей қалалық ІІБ жол-патрульдік қызметі бөлімшесінің бастығы:
-Жақында есірткі саудасымен айналысқан азамат ұсталды. Оны полицейлер аңдып келе жатқанда, күдікті айғақ заттарды жол-жөнекей тастап амалдаған. Алайда, бұл әрекеті камераға жазылып әшкере болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
