Бұл ғимараттың Мәдениет үйі деген аты ғана болмаса, заты тіпті мәдениет атаулыдан тым алыс. Сырты түрлі былапыт жазуға, ал іші мынадай қаптаған қирандыға толы.

Елтай Баржықбаев, Бесағаш ауылының тұрғыны:

- Көріп тұрсыздар бұл кезінде ел кездесетін, бас қосатын, концерт көретін залдар еді. Міне қазіргі жағдайы осындай. Ар жағында қирап жатқан гримерный  еді. Көркемөнерпаздардың дайындалатын жері.

Елтай ақсақал кезінде осы мәдениет үйіне көп келетін жанның бірі болыпты. Бірақ ғимарат 90-шы жылдары «Луч востока» атты компанияның меншігіне өтіп, жұмысын тоқтаған. Содан бері бесағаштықтар оны қайтаруға әрекет етумен-ақ келеді. Егер қайтарса, кешенді түрлі үйірмесі бар балалар орталығына айналдырмақ ниетте.

Тастан Бекболатов, Бесағаш ауылының тұрғыны: /11*42/

-Талабымыз бұл клуб халық игілігіне жарасын. Аудан әкімдігінің қарамағына берілсін.  Айналасында 40 мыңдай адам тұратын жерде мәдениет үйі  жоқ.

Тұрғындар сотқа жүгінсе де, мақсатына жете алмаған. Өйткені мәдениет үйіне тиесілі аумақ кезінде түгелімен аталған мекемеге 49 жылға жалға берілген екен. Оның үстіне бұл істе тағы бір деректің беті ашылып отыр.

Хәкім Меребаев, қоғамдық қорғаушы:

-10 желтоқсанда мына Мұқышыв өтірік қол қойып, мына ДК қайта жаңадан салынды деп, қолданысқа қайта берілгендей етіп акт шығарыпты. Сол актімен Әділет басқармасы тіркепті.

Мәдениет үйін кері қайтаруға Талғар ауданының әкімдігі де үмітті.

Фарида Бегенбаева, Талғар аудандық мәдениет бөлімінің басшысы:

- Егер сот шешімі бойынша біздің жағдайымызға шешілген жағдайда Бесағаш ауылындағы мәдениет үйін біз балансқа алғаннан кейін, біз оның сметалық құжатын жасаймыз. Екінші жылы оған қаржы бөлінеді.

- Мәдениет үйінің оңайлықпен кері қайтпасын әкімдік өкілдері де осылайша мойындайды. Өйткені мерзімі түгемей келісімді біржақты бұзыға мүмкіндік жоқ. Сондықтан енді үміт сотта. Қазір прокуратураның тікелей араласуымен іс облысқа жөнелтілген. Бір шешім болса, сол жақтан келер деп күтілуде.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!