Алматыда жантүршігерлік апат болды
Алматыда екі бірдей ірі жол апаты болып, екі адам қаза тапты. Бірінде жүргізуші жылдамдықты арттырса, екіншісінде көлік қос жолақты кесіп өткен.
Автор: Елгүл Нұғман
29.10.2014
Түнгі үштер шамасында «Тойота» маркалы көлікке жоғары жылдамдықпен жүйіткіген машина кедергі келтірген. Жүргізуші тас жолда тайғанақтап, рульге ие бола алмай, жол шетіндегі электр бағанасына бар жылдамдығымен соғылған. Терезені жарып шығып, жол бойына құлаған жолаушыны сол мететте өтіп бара жатқан басқа көлік таптап кетіпті. Тағы бір жолаушы қазір өлім мен өмір арасында жатыр. Ал солтүстік айналма жолда «Мерседес» мінген екі жігіт рұқсат етілмеген жерден бұрыламыз деп, «Аудимен» соғылған. Қатты соққыдан қарсы бетке шығып кеткен жеңіл көлікті Камаз жаншып өткен. «Ауди» жүргізушісі сол жерде жан тапсырып, жолаушысы ауруханаға жеткізілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
