Ғалия Мұқанова жыл басында гинекологқа қаралу үшін облыстық перинаталдық орталыққа келген. Олар қатерлі ісік болуы мүмкін деген күдікпен анализ тапсыртқызады. Онкодиспасердегі мамандар да «жатырындағы ісік асқынған» деген ұйғарым жасаған. Тіпті ота жасатпасаң, 1 айлық өмірің қалды деп үрейін ұшырыпты.

Ғалия Мұқанова:

-Ұлыммен қоштастым. Мен ойладым  өлем деп.  Онкологияға мынадай стадиямен  түскен соң, аз өмір сүретін шығармын деп ойладым.  Ұлым 3-4-ші сынып бітіргенше жетсем деп, Алладан сұрадым!

Ота шұғыл түрде Астанада жасалған. Ондағылар Көкшетаудың гистолог мамандары қойған диагнозбен әйелдің жатырын, аналық бездерін, екі түтікшесін алып тастапты. Тек асығыстың жасағандарын кейін білді. Сөйтсе, Ғалияның жатырында о бастан ешқандай ісік болмаған екен.

Ғалия Мұқанова:

-Менің бүкіл әйелге тән  мүшелерімді алып тастады. Менде тағы бала туатын  шамам  болған шығар. Кастрация менде.  Не әйел емессің, не еркек емессің.

Қате диагноз қойған онкодиспансер гистологтары да Ғалияға не деп жауап берерін білмей отыр.

-Менен сүйінші сұрап, айттыңыз ғой

Рак көріп тұрған жоқпын дедіңіз ғой.

-Мен көріп тұрған жоқпын.

Енді перинатальдық орталықтағы гинекологтардан бастап, онкологтар да, операция жасаған хирургтер де бір біріне сілтеп жатыр.

Болат Әбішев, Ақмола облыстық онкология диспансері бас дәрігерінің орынбасары:

-Онкологияға келгенде ісіктің барлық белгілері болды. Ең бірінші қараған, диагноз қойған перинаталдық орталықтың гистологтары. Біз соған сендік.

Салғырт дәрігерлер кесірінен сау мүшесінен айырылған тұрғын енді олардың сазайын беруді соттан талап етуде. Айта кетсек, Көкшетауда бұл бірінші жағдай емес. Мұндағы онкологтар өткен жылы да қатерлі ісік деген диагноз қойып, 24 жастағы бойжеткенді бір омырауынан айырған еді. Ол да әлі әділдік іздеп жүр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!