Асылжан Мамытбековтың отставкаға кеткісі келмей қалды
«Орынбасарымның кінәсі дәлелденсе, еш ойланбастан қызметімнен кетемін» деп елді шулатқан Ауыл шаруашылығы министрі енді айтқанынан айнып қалғандай.
Автор: Жәудір Оразхан
29.10.2014
Асылжан Мамытбеков, Ауыл шаруашылығы министрі:
-Айыбы дәлелденген жоқ әлі.
-Енді, дәлелденсе?
-Дәлелденсе, көреміз, асықпаңыздар....
Әдетте, көсіле сұхбат беретін Мамытбеков бүгін жауапты осылай қысқа қайырды. Министр тіпті соңынан жүгірген журналистерге де жеткізген жоқ. Еліміздің бас агрономы, орынбасары Мүсілім Өміраев 100 мың доллар пара алып ұсталған кезде, кінәсі сотта дәлелденсе қызметінен кететінін айтып уәде берген. Ал сол Өміраев екі апта бұрын айыпты деп танылып, 10 жылға абақтыға жабылды. Содан бері Мамытбековтың үні шықпай, тек әлеуметтік желі арқылы екі ұшты жауап қатқан-ды. Енді уәдесінен мүлдем айнып қалғандай сыңай тынытып отыр.Соған қарағанда министр апелляциялық соттың Өміраевты ақтап шығарына сенімді секілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
