Алматы әуежайында Эбола вирусын жұқтырған жолаушы табылды
Алматы әуежайында төтенше жағдай! Мұнда қатерлі Эбола вирусын жұқтырған жолаушы табылып, санитар дәрігерлерді аяғынан тік тұрғызды.
Автор: Аруна Ортай
30.10.2014
Бұл әуежайдың шұғыл қызметі өткізіп жатқан жаттығудың сценарийі. Сарғылт түсті целлофанға оранған дәрігерлер бет-аузын да ауа өтпестей етіп тұмшалап алған. Тура ғарышкерлерге аумай қалған олар «науқас» отырған ұшақ ішіне кірді. Жаттығу жоспарына сай, Алматыға Эбола дертіне шалдыққан шетелдік азамат ұшып келген. Сырқаттың рөліндегі адамды дәрігерлер дереу ауруханаға алып кетті. Осылайша, алыс Африкада дендеген дерт ел ішіне тарап үлгермеді. Есесіне ұшақтың іші малмандай су болды. Санитарлар салонға залалсыздандыру дәрісінің орнына су шашты.
Гүлнар Омарова, дезинструктор:
-Дизопрофпен дезинфекция жасаймыз. Микробтарды өлтіреді. Терезелер, ауру отырған жерлерді дезинфекция жасаймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
