Бұл – Ақтаудағы белді колледждің бірі. Оқу орны бір салада ғана білім бермейді. Десе де шәкірт саны жағынан мұнай-газ саласының кафедрасы озып тұр. Тіпті студенттің тым көптігінен қосымша ғимарат тұрғызуға тура келген.

Дәурен Баймағанбетов, колледж студенті:

- Мұнайшылардың жалақысы көп. Сондықтан мен осында келдім. Менің ағаларым да мұнайшы. Солар да маған сондай ақыл берді, соны таңдап деп.

Дәурен Баймағанбетовтан өзге мұнда мұнайшы мамандығын игеруге келген 600 студент оқиды. Оның 200-ге жуығы биыл диплом алатындар санатында. Ал Ақтау бойынша 20-дан астам осындай оқу орнының барын ескерсек, Маңғыстау көлемінде мыңдаған шәкір болашақ мұнайшы атанбақ. Тек бір кемшілігі, бұл студенттердің 30 пайызының ғана бітірген соң мұнай саласында еңбектенуге мүмкіндігі бар екен. Өзгесі жұмыссыздардың қатарын толтырады.

Тельман Матаев, колледж диркторының орынбасары:

- Бізден бітіретін баланың өзі 172. Басқа тағы біздің мамандықтарды қайталайтын көптеген колледждер бар. Мың адамға мұнайшы мамандығы табылмайды ғой. Жыл сайын осылай бітіре берсе.

Ақтаулық колледжер мұнайдан өзге кәсіп иелерін оқытуға құба-құп-ақ келіседі. Тек оған сұраныс жоқтың қасы. Сондықтан облыс басшылығы қара алтын саласының қызметкерлерін дайындауды шектеуге ұсыныс жасағаны рас. Бірақ әзірге Білім және Ғылым министрлігі бұл бастаманы қолдаған жоқ.

Бану Нұрғазиева, Маңғыстау облысы әкімінің орынбасары:

- Мемлекеттік тапсырыс қысқармайды. Түскендердің барлығы оқып жатыр. Енді адамдар өздері біледі ғой қайда баратынын, нені оқитынын.

Десе де Үкімет мұнайды өңірде мұнайшыдан өзге дәрігер, мұғалім сынды мамандықты да мейлінше арттыруды ойластырып отыр екен. Сондай-ақ, Каспий жағасы келешекте туризм орталығына айналдыруда көзделіп отырғандықтан, саяхат саласының өкілдері де әзірлеу қарастырылып жатыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!