Ақтөбеде оқушы қызды ұрламақ болған қаскөйге іздеу жарияланды
Ақтөбеде белгісіз біреу 9 жасар қызды ұрламақ болды. Мектептен үйіне қайтып келе жатқан жасөспірімді қаскөй артынан келіп, алақанымен бетін басқан.
Автор: Жаңалық Ахаш
30.10.2014
Оқиға кешқұрым дәл осы маңда болыпты. Күдікті еркектің оқушыны қапсыра құшақтап алғанын көшеде кетіп бара жатқан бір әйел көріп, айқайға басқан.Еңгезердей жігіт те шошып кетіп, қызды тастай сала із суытты. Ал қылмыскердің қолынан сытылып шыққан жасөспірім алды-артына қарамай үйіне қашқан. Өзін ұрламақ болған еркектің бет-бейнесін де аңғармапты. Сондықтан тәртіп сақшылары күдіктіні анықтауға қиналып отырғандарын айтады. Және оның пиғылы да түсініксіз боп тұр.
Ардагер Уайдин, Ақтөбе облыстық ІІД баспасөз хатшысы:
-Алайда мына күдікті азаматты табу қиындық туғызып отыр. Өйткені кішкентай қыз әлгі кісінің түсін, не үстіне киген киімін, ұлтын ажыратып айта алмай отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
