Украин әскеріне оқ атқан ресейлік актерге іздеу жарияланды
Украинаның құзырлы орындары ресейлік актер Михаил Пореченковқа қатысты қылмыстық іс қозғады. Ресми Киев тіпті іске Интерполды да араластырмақшы.
Автор: Құралай Пионер
31.10.2014
Бұған Михаил Пореченковтың Донецкіге арнайы келіп, Украина әскеріне қарсы оқ атуы себеп. Актер сепаратистер қосынына келіп, өзінше осылай қолдау білдірмек болған екен. Мұнысын тіпті телеарналардан көрсетіп, мақтанышпен жеткізген. Үстіне «пресса» деген киіп киіп алғаны өз алдына үлкен дауға себеп болатын түрі бар. Осындай арандатушылардың кесірінен соғыс ошағында жүрген тілшілерге деген сенім азаятыны сөзсіз. Ал әуежайда тұрып, әскерилерге қарай оқ атқан Пореченковты Украина билігі енді Интерпол арқылы іздетіп, қылмыстық жауапкершілікке тартпақшы. Кобзон, Скляр сияқты Ресейдің басқа әртістері де Украинаның шығысындағы бүлікшілерге қолдау көрсетіп, арандатушылықпен айналысып жүргенін айта кетейік.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
