Шымкентте оқушылар тұрғындарға тосын сый әзірледі
Тұңғыш Президент күнімен құттықтаудан зияткерлік мектебінің оқушылары да шет қалған жоқ. Шымкентте Назарбаев мектебінің оқушылары құттықтау сөздері жазылған бір құшақ ашық хатты тұрғындарға таратты.
Автор: Бек Әбиев
01.12.2014
Зияткерлік мектебінің тәлімгерлері 300-ге жуық ашықхатты өз қолымен жасаған. Түрлі-түсті қағаздардан қиып, ішіне Елбасының сөздеріне сүйеніп өлең жазыпты. Оқушылардан ойламаған жерден сый алған шымкенттіктер де мәз-мейрам. Тұңғыш Президент мектебінің оқушылары бұл мейрамды апта бойы тойлап жүрміз дейді. Бір жетінің ішінде жетімдер үйіне, қарттар үйіне түрлі сый-сияпат жасапты. Бүгінгі шараға да бір топ жетім балалармен шықты. Іс-шарадан соң ары қарай ата-анасыз қалған балаларды көңіл көтеру орталықтарына серуендеуге шақырды.
Палуан Римов, Назарбаев мектебінің 11сынып оқушысы:
-Осы мерекені бүкіл Шымкент қаласының тұрғындарына көрсетіп, олармен бірге тойлап, мерекелік көңіл-күй берудегі біздің мақсатымыз бар. Яғни, балаларды өзіміздің мектебімізге әкеліп, оларға мектебімізде экскурсия өткізіп, көптеген іс-шаралар жасап жатырмыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
