Алматы әуежайын дүрліктірген «телефон лаңкесі» іздестіріліп жатыр
Алматы әуежайының жұмысы бүгін де бөгелді. Белгісіз біреу әуежайда жарылғыш зат қойылғанын хабарлаған. Сондықтан ғимарат ішіндегі қызметкерлер мен жолаушылардың барлығын қауіпсіз аймаққа шығаруға тура келді.
Автор: Олжас Байжан
05.12.2014
Жұртты дүрліктірген қоңырау күндізгі 3 жарым шамасында түсіпті. Тез арада әуежайға қаланың барлық шұғыл қызмет өкілдері жетіп, аумақ қоршауға алынды. Жолаушылар мен қызметкерлерді қоса есептегенде бас-аяғы мыңға жуық адам қауіпсіз жерге шығарылған. Ғимарат ішін саперлер бір жарым сағат тінтігенімен, бомбаны ақыры тапқан жоқ. Ал жалған ақпараттың кесірінен бірнеше әуе рейстері кейінге шегерілген. Елді дүрліктірген «телефон лаңкесін» тәртіп сақшылары іздеп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
