Елімізде ақтүтек боран соғып тұр
Ауа-райының күрт өзгеруіне байланысты 11 облыста ескерту жасалды. Ақтүтек бораннан қазірдің өзінде Астана әуежайынан ұшақтар көкке көтеріле алмай, бірнеше рейс кейінге шегерілсе, республикалық маңызы бар жолдардағы қозғалыс та шектелген.
Автор: Олжас Байжан
05.12.2014
Мәселен, көліктің барлық түрлеріне Астана-Петропавл тас жолында жүруге тыйым салынды. Оның басты себебі қарға адым жер көрінбейтін ақтүтек боран. Жезқазған-Петропавл және Қарағанды облысындағы Екатеринбург-Алматы жолында да қазір полиция қызметкерлері бекеттерде күшейтілген режимде жұмыс істеп, жүргізушілердің жолға шығып кетпеуін қадағалауда. Ал синоптиктердің алдағы аптаға жасаған болжамы қуантып отырған жоқ. Арқаны айтпағанның өзінде, оңтүстік облыстарда да апта бойы қар жауып, арты үскүрік аязға аласады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
