Көкшетауда әйелі күйеуін өлтіруге тапсырыс берген
Жарын қандай жолмен о дүниеге аттандырған адамға ол 200 мың теңге төлемек болыпты.
Автор: Айзат Тұрғынбекқызы
08.12.2014
55 жастағы әйел алдымен кісі өлтірушіні іздеген. Сыйақыны да алдын ала әзірлеп қойған екен. Өмірлік жолдасы жиі қол көтеретін болғасын саудагер әйелі одан құтылғысы келген көрінеді. Тапсырыс жайлы тәртіп сақшылары алдын ала білмесе отағасы әлдеқашан ажал құшар еді. Қылмыс жасауға келіскен адам кейпінде келіс жүргізген полицей оның күйеуінің «өлген» суретін әкеп көрсеткен. Тапсырыс шынымен орындалып, жұбайынан құтылдым деп ойлаған әйел «орындаушыға» ақша беріп жатып қолға түсті. Енді ол зәрезап болған күйеуін шынымен біраз уақытқа дейін көрмеуі мүмкін.
Гүлнар Пинчук, Ақмола облыстық ІІД баспасөз қызметінің жетекшісі:
-Ол көп жылдар бойы бірге тұрған. Күйеуім арақ ішіп, үнемі ұратын. Сондықтан одан құтылғым келді,-дейді. Тапсырысты орындадым деген адам күйеуінің өлген суретін көрсеткенде еш өкінішсіз ақшасын ұсынды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
