Алматы түбіне құлаған ұшақ апатының қортындысы Америкаға жіберілді
Таяу уақытта «Челенджер-200» ұшағының не себепті құлағаны белгілі болуы мүмкін. Әзірге 2 жыл жүргізілген тексеру қорытындысы АҚШ пен Канадаға жіберілген. Бүгін Инвестиция және даму министрлігіндегілер осындай мәлімдеме жасады.
Автор: Құралай Пионер
08.12.2014
2013 жылдың 29-шы қаңтарында Алматыдан 20 шақырым қашықтықтағы Қызылту ауылында «Скат» әуе компаниясына тиесілі әуе кемесі құлаған. Сөйтіп, 5 экипаж мүшесін қосқанда, бортында отырған 21 адам мерт болды. Содан бері апаттың себебін анықтау жұмысы сағызша созылумен келген еді. Бірақ бүгін тексерудің аяқталғаны мәлім болды. Тек нақтылық үшін сараптамамен «Челенджерді» құрастырушы елдер - Канада мен АҚШ-тың мамандары танысуы қажет екен. Сондықтан оның қорытындысы түгелімен Америкаға жіберіліп отыр. Енді ол жақтан 60 күнде жауап келуі тиіс. Мамандар содан кейін ғана тексерудің ресми аяқталағанын мәлімдеп, қорытындысын жария етпек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
