Францияда мүгедектер орталығына ұшақ құлады
Францияда мүгедектерді оңалту орталығының ғимаратына ұшақ құлады. Тур қаласының маңында болған оқыс жағдай салдарынан бір адам қаза тауып, тағы бесеуі ауыр жарақат алған.
Автор: Олжас Байжан
11.12.2014
Барлығы клиникада ем қабылдап жатқан мүгедектер. Ал оқу-жаттығу ұшағын басқарған нұсқаушы мен курсант дер кезінде катапультті іске қосып, аман қалған. Олар әуе кемесін мейлінше адам аз шоғырланған аймаққа бағыттапты. Францияның әуе қорғанысы күштерінің басшылығы апатқа техникалық ақау себеп болуы мүмкін деп отыр. Себебі ұшақ ұзақ уақыт қолданыста болған. Дегенмен, оның нақты себебі арнайы тексеруден соң анықталады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
