Ақтөбе облысында бір мектепте оқитын 4 оқушы туберкулезге шалдыққан
Ақтөбе облысындағы мектептердің бірінде туберкулез дендеп барады. Қандыағаш қаласындағы №5 мектепте 4 оқушыдан осы қауіпті сырқат табылды. Дерт кезекті медициналық тексеру кезінде анықталған.
Автор: Жаңалық Ахаш
19.12.2014
Қазір 9-шы сыныптың оқушылары облыс орталығындағы тубдиспансерде емделуде. Дәрігерлер балаларға төнген ешқандай қауіп жоқ дейді. Себебі өкпе ауруының жабық түрі екен. Дегенмен, олардың сыныптастарын да қайта тексеруден өткізген. Абырой болғанда өзгелерінен Кох таяқшасы табылмады.
Гүлнар Мамбетжанова, Ақтөбе облыстық денсаулық сақтау басқармасы басшысының орынбасары:
-Үш бала индитрактивті туберкулезге, бір бала туберкулездік спанделидке шалдыққан. Барлығы жабық түрімен ауырады. Олардың барлығы тубдиспансерде ем алып жатыр. Қауіп жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
