Елімізде ең үздік саясаткер анықталды
Жыл аяқталар тұста Саясат жобасы саясаттағы көшбасшыларды атады. Белгілі әлеуметтанушы, блогерлер мен журналистерден құралған топ бірнеше аталым бойынша, үздік тұлғалардың тізімін жасаған. Көш басында Нұрсұлтан Назарбаев. Рейтингті жасаушылар Елбасын жылдың үздік саясаткері деп таныды.
Автор: Гүлнұр Имандосова
25.12.2014
Мәдениет және спорт министрі Арыстанбек Мұхамедиұлы жылдың үздік министрі деп аталып отыр. Бұл атаққа бірнеше шенеунік үміткер болған екен. Алайда, Мәдениет министрі әріптестерінен басып озыпты. Оның себебін кәсіби мансабы өрлеп келе жатқанымен байланыстырған. «Белсенді депутат» деп Мәжілістің вице-спикері Дариға Назарбаева таңдалса, Мәулен Әшімбаев «Жылдың зерделі саясаткері» атанды. Тізімде бірнеше әкімнің есімі бар. Мәселен, Қызылорда облысының әкімі Қырымбек Көшербаев «Жыл әкімі», премьер-министрдің орынбасары Бердібек Сапарбаев «Жігерлі саясаткер», ал Оңтүстік Қазақстан облысының әкімі Асқар Мырзахметов «Жылдың келешегі бар саясаткері» деген атақты бөліскен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
