Ақтау тұрғындарын қою тұман әбігерге салды

Ал Ақтау тұрғындарын бүгін қою тұман біраз әбігерге салды. Қалада көлік қозғалысы қиындап, әуежай да ұшақтарды қабылдай алмай қалды. Таңертең ерте түсе бастаған тұман, бірден қоюланып шыға келді. Сөйтіп таяқ тастам жерді көру қиынға соқты. Жүргізушілер көліктің жылдамдығын барынша төмендетіп жүруге мәжбүр. Сонда да апатқа ұшырап жатқандар бар. Ауа-райының қолайсыздығы әуе қатынасын да қиындатып жіберді. Таңертеңнен бері Ақтау әуежайы бірде-бір ұшақты қабылдаған жоқ. Алматы, Астана және Астраханнан келетін рейстер бірнеше сағатқа кешікті.