Елімізде ақтүтек боран соғып жүздеген жүргізуші далада қалды
Еліміздің орталық өңірі тегіс ақтүтек боранның астында қалды. Ауа райының асау мінезі көлік қозғалысын титықтатып, жол тазалаушыларды біраз әбігерге салып жатыр.
Автор: Саят Сабдалы
26.12.2014
Ресейдің Еуропа аймағынан басталып қас-қағымда бізге жеткен қарлы циклон бірінші Астананың тіршілігін тұралатып тастады. Көктайғақ болып, көлік апаттары да жиілеген. Коммуналдық қызмет қарды тазартып үлгере аламай жатыр. Ал жайбарақат жатқан Қарағанды түс ауа абыр-сабыр болды. Секундына 25 метрге дейін жеткен жел айналаны аппақ қылып жіберген. Қаладан шыға берістегі барлық жолдар жабылып, ұзын-сонар көлік кептелістері пайда болды. Көлік бекетіндегі қарбаласты қадағалау үшін тіпті арнайы жасақ сарбаздары тартылған.
Марат Мәрленов, көлік жүргізушісі:
-Жол таза емес, құм себілмейді. Сепсе де кішкене кішкене сеуіп кетеді болды. Ресейде қандай суық болса да тап таза болады жол. 2 күнде жетуге болатын жерде 4- ші күн тұрмыз міне.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
