Маңғыстауда мұнай қалдықтарын төгетін алаң өртеніп кетті
Маңғыстау облысында мұнай қалдықтарын төгетін алаң өртеніп кетті. От арнайы көліктен сұйықтықты төгіп жатқанда тұтанған.
Автор: Сандуғаш Шортанова
14.01.2015
Өрт тапа-тал түсте шыққан. Қара алтын қалдығы төгілген алаң дереу қызыл жалынға оранып, аспанды қою түтін тұмшалады. Өрт сөндірушілер оқиға орнына 1 сағат өткенде жетіп, тағы бір сағат өткенде тілсіз жауды толық ауыздықтады. Жалын 200 шаршы метр аумақты шарпып, қара алтын қалдықтарын таситын автокөлік те толығымен жанып кеткен. Абырой болғанда, адамдар зардап шеккен жоқ. Бұл жер мұнай кәсіпорындарының қалдығын өңдеумен айналысатын мекемеге тиесілі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
