Ақтөбедегі әрбір төртінші ерлі-зайыпты бала сүйе алмай отыр. Оларды тексеріп шыққан мамандар сексен пайыз жағдайда еркектерді кінәлі деп тапқан. Әсіресе, жиырма бес жасқа дейінгі жігіттердің жыныстық қабілетінің нашарлап кеткеніне дәрігерлер алаңдаулы. Көпшілігі жұқпалы дертке шалдыққанын жасырып, өз әлсіздігін мойындағысы келмейді екен. Оның ақыры белсіздікке ұшырап, бала сүю бақытынан айырылады. Енді жаңа орталықта урологтардан бастап түрлі сала мамандарына дейін қызмет көрсететін болады. Белсіздікті үкім деп қабылдайтын еркектерді психологтар күйзелістен шығарады.

Қанат Зұлқаров, уролог:

-Белсіздіктің басты себебі – жұқпалы ауру. Одан соң қазір ер азаматтар жаяу жүрудің өзіне ерінеді. Қимылы ширақ болмаған соң әлсіз болады. Әсіресе, жыныстық қабілеті шанарлаған жас жігіттер көбейіп кетті.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!