Президенттікке кандидат Тұрғын Сыздықов Солтүстік өңірде жүр
Сондай-ақ, Тұрғын Сыздықов та Солтүстік өңірде тұғырнамасын таныстырып жүр. Қазақстан коммунистік халық партиясы атынан додаға түсіп жатқан кандидатқа Петропавлдағы штабы бірнеше зауыт еңбеккерлерімен кездесу ұйымдастырып қойыпты.
Автор: Құралай Пионер
31.03.2015
«Әділетті әлеуметтік қоғам құру» туралы партия ұстанымы кеңінен мұнда да сөз етілді. Тек бұл жолы жиынға негізінен тамақ өндіруші кәсіпорын қызметкерлері жиналған. Сондықтан коммунистер қозғаған мәселе де отандық азық-түлік саласы жайында болды. Әсіресе, сапа төңірегінде. Сыздықовты бүгінгінің азығы – фаст-фудтың қаптауы қатты алаңдатады екен. Бұдан бөлек, штаб кездесу барысында қазақ мәдениетінің бір саласы – кинематографияның жайын да біраз қозғады.
Тұрғын Сыздықов, ҚР Президенттігіне үміткер:
-Жалпы, Батыстың кемшіліктерін мәдениет саласында көруге болады. Мысалы, кинематографияны алайықшы. Ондағы барлық стандарттар зорлық-зомбылыққа, азғындыққа тәрбиелейді. Тек осының өзі ғана батыстық өркениеттің дамуына көлеңке түсіріп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
