Алматы дәрігерлері жұртты жүк көлігінің ішінде қабылдап жүр
Көлік ішіндегі клиника! Алматы дәрігерлері жұртты жүк көлігінің ішінде қабылдап жүр. Олар жүректі де, ішекті де, тіпті, көз ауруларын да емдейді.
Автор: Аруна Ортай
02.04.2015
Қазақстан-Ресей медициналық университетіне тиесілі көлік түгел озық технологиямен жабдықталған. Мұнда кірген науқас қан қысымын өлшетіп қана қоймай, жүрегіндегі барлық кінәрәтті лезде анықтай алады. Және отаның қажеті бар-жоғын дәрігерлер дөп басып айтады. Тіпті, жүкті келіншектерге де жағдай жасалған. Мұндай жүк көлігімен қазір дәрігерлер Алматыдағы жаңа ауданды аралап жүр. Өйткені, емханасы әлі бітпеген Наурызбай тұрғындары басы ауырып, балтыры сыздағанда алыстағы ауруханаларды жағалап кетеді екен. Енді өздері іздеп келген дәрігерлерге аудан жұртшылығы дән риза.
Құрманғазы Төлешов, Алматы қаласының тұрғыны:
-Енді емделеміз. Операцияға кел деп жатыр. Құлағыңа операция жасау керек деп. Рентгенге түсіріп құлағыма операция жасамақ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
