Атырауда дүлей дауыл тағы біраз шығын әкелді

Атырауда күшті дауылдан көліктерге зақым келді. Түстен кейін көтерілген қатты желден қаладағы тұрғын үйлердің сыртқы сылағы жұлынып, жеңіл көліктің төбесіне құлаған. Зардап шеккендер жоқ. Дегенмен зақымданған темір тұлпар күрделі жөндеуді қажет етеді. Жақында мына көршілес тұрғын үйдің де изоляциялық материалы желдің қарқынына шыдамай, опырылып түскен. Бұлардың барлығы – мемлекеттік бағдарлама бойынша салынған баспаналар. Мұнда негізінен әскерилердің отбасылары тұрады.