Таразда бомба қойылды деп жұртты дүрліктірген жігіт ұсталды
Тараз жұртын телефон лаңкесі тағы дүрліктірді. Шұғыл қызметтер кеше түнімен психдиспансер мен атышулы «Ауыл береке» базарынан жарылғыш зат іздеп әуреге түскен.
Автор: Руслан Әбдіхалық
22.04.2015
Алайда, сол күйі бомбаның жұрнағы да табылмады. Бір таңқаларлығы, тәртіп сақшылары мәліметтің жалған екенін білді ме әлде соңғы кездері жиілеп кеткен мұндай дақпыртқа құлақ еттері үйренді ме, жүйкесі сыр берген науқастарды ғимараттан қауіпсіз жерге көшірмеген. Ал базарда түн жарымда адам болмайтыны мәлім. Бұқараны шошытып, погондыларды сенделткен тентектің 22 жастағы жергілікті тұрғын екені бүгін анықталды. Қазір ол тәртіп сақшыларына түсініктеме беріп жатыр. Күдікті психоневрологиялық диспансерде тіркеуде тұр екен. Сондықтан жазадан құтылып кетуі де ғажап емес.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
