Өскеменде тасқынға байланысты қозғалыс тоқтатылды
Өскеменде тасқын салдарынан екі жолайырықтағы көлік қозғалысы тоқтатылды. Үлбі мен Ертіс өзендеріндегі су көлемі сағат санап артып келеді. Ал ерімеген қар әлі де көп. Сондықтан жағдай одан бетер қиындауы мүмкін.
Автор: Олжас Байжан
22.04.2015
Қазір көпірмен барар жол жабылып, қала орталығына өту мүмкін болмай тұр. Бұл жергілікті жүргізушілерге қолайсыздық туғызған. Себебі оларға айналма жолмен жүріп ұзақ уақыт кептелісте тұруға тура келеді. Ал Үлбідегі су күн санап көтерілуде. Оның үстіне күннің күрт жылынып, қардың жылдам ери бастауы да алаңдаушылық тудырып отыр.
Сұлтан Ахметов, ШҚО ТЖД басқарма бастығы:
–Қауіпті жерлерді біз күнделікті қарап жүрміз. Дабыл түскен соң тиісті жұмыстарды атқарамыз. Бүгінше төтенше жағдайлар болуы мүмкін емес деп ойлаймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
