Алматыда «Жұлдыздар аллеясы» ашылды

Алматыда жаңадан ашылған «Жұлдыздар аллеясына» алғаш боп Илья Ильиннің есімі жазылды. Естелік тақта Мега сауда орталығының кіреберісіне қойылған. Бес жұлдыз пішінінде жасалған ескерткіштің негізгі сұлбасы Голливудтық үлгіде екен. Мыстан құйылған бұйымның бетіне даңқты атлетіміздің аты-жөні жезбен жазылған. Алаңқайдың ашылу салтанатында Ильин өзінің қос алақанының ізін де қалдырды. Бұл жер енді қазақстандық танымал тұлғалардың есімдерімен толыға бермек.