Семейде жас ана қос ұлын құтқарам деп өзі де ажал құшты
Семейде жер үйлердің бірінен шыққан өрт үш адамның өмірін жалмады. Тілсіз жау түн ортасында тұтанған. Ыстың иісіне тұншығып алдымен 57 жастағы үй иесі ояныпты. Сол күні үйіне 31 жастағы қызы, 6 және 3 жастағы 2 жиен немересі келген екен.
Автор: Ұлан Нұрахмет
03.08.2015
Үй иесі алдымен сол қызын оятқан. Бірақ келіншек балаларын құтқарам деп ішке жанұшыра кіргеннен қайтып шықпапты. Ал лезде күш алған жалын жер үйді түгел шарпыған. Құтқарушылар да дереу жеткенімен, іштен жас ана мен оның балаларының мәйітін ғана алып шықты. Келіншек көк түтін арасынан ұлдарын таба алмай, өзі де тұншығып естен танса керек.
Көршісі:
- Қызы мен оның екі ұлы көз жұмды. 408 кварталда тұратын. Анасының үйіне қонаққа келген екен. Өрт өшірілмей, қызып кеткен компьютерден басталыпты дейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
