Екі жоғары лауазымды полицей мен екі бизнесмен қала көшелеріне орнатылған 50 камераға қазынадан бөлінген 200 миллион теңгенің 80 миллионын түрлі құйтырқылықпен қалтаға басты деп айыпталған еді. Жеме-жемге келгенде прокурорлар таққан айыптан бас тартып, судья Жүнісбеков пен екі  кәсіпкерге кінәсіз деген шешім шығарды. Сөйтіп, үшеуі де сот залынан босап шықты. Ал департаменттің қаржылық қамтамасыз ету басқармасының бастығы Әнуар Арғынбаевқа жаңа айып тағылып, тек өзіне сот процесі қайта жүргізілмек. Ақталып шыққандардың негізсіз жала жауып, бүкіл елдің алдында масқаралағандары үшін құзырлы орындардан моральдық шығын өндіруге мүмкіндігі бар. Бірақ олар сотқа арыз түсіре ме, жоқ па, ол жағы әзірге белгісіз. Өздері тілшілермен тілдесуге құлықсыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!