Жалған жүргізуші куәлігімен жарты жыл жүк тасыған азамат ұсталды
Петропавлда жарты жыл бойы жалған жүргізуші куәлігімен жүк тасып жүрген азамат ұсталды. Ол есірткі қолданып, машина айдағаны үшін құжатынан былтыр айырылған екен.
Автор: Гүлмира Тасболатқызы
14.09.2015
Падвокан Саедян, Петропавл қаласының тұрғыны:
- Жүргізуші куәлігіндегі сурет менікі, ал ондағы аты-жөнім менікі емес. Менің атым - Падвокан Саедян, ал жүргізуші куәлігі Павел Каменев деген кісіге берілген.
Жалған куәлік бойынша аты -жөні орыс, ал шындығында өзі армян, 26 жастағы жігіт бұл құжатпен жарты жыл жүрген. Айтуынша, оны халыққа қызмет көрсету орталығы маңындағы бір кісіден 15 мың теңгеге сатып алған. Куәлік сатқан адам жігіттің аты-жөнін сұрамастан тек суретін ғана алыпты. Араға төрт күн салып дайынын әкеп берген. Ал оның алты ай бойы қолдан жасалған куәлікпен ұсталмағаны да ғажап.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
