Жасыл желекпен көмкеріліп, жемісі төгіліп тұрған тау баурайындағы мына 10 сотық жерді Гөзел Сағынтаева осыдан 13 жыл бұрын сатып алған. Былтыр бұл аумақ облыстан қалаға қосылған кезде құжаттарын қайта рәсімдейін деп барса, жердің жаңа қожайыны пайда бола қалыпты.

Гөзел Сағынтаева:

-Арыз бердім сотқа. Өйткені, қалай ол? Өзіңнің сатып алған жеріңді тиянақтап жинаған ақшаңа бір уақытта басқа бір кісі болады? Ол басқа бір кісі – Шайбай Құлмаханов деген кісі.

Шайбайдың ағасы Шалбай Құлмаханов кезінде түрлі лауазымды қызметтер атқарған белгілі тұлға. 2001-2005 жылдары Алматы облысын да басқарған. Інісі Шайбай да даулы жерді дәл сол уақытта иемденген екен. Тек, тау бөктеріндегі керемет жер телімін алуға бұл кісінің фамилиясы біраз ықпал жасаған сияқты. Себебі, телефон арқылы Гөзелге мынадай әңгімелер айтқан.

Шайбай Құлмаханов:

-Бұл ешкімге берілмейді. Қарасай ауданында тек мен ғана алдым. Менің фамилиям Құлмаханов. Менімен салғаласудың қажеті жоқ. Маған хабарласудың да керегі жоқ. Адамның өзі проблемаға айналады. Жұмысшылар түрмеде отыр. Олар отыратын болады.

Ал Шайбай мырзаның өзіне хабарласқанымызда Құлмаханов деген фамилияның құдіреті жайлы тіс жарған жоқ. Тек құжаттарының барлығы заңды екенін айтып, ақталып бақты.

Шайбай Құлмаханов:

-Менің қолымда жер  кадастрдың 09жаты  бар қаланың, бір ма, облыстікі бар, аудандікі бар, бәрі заңды. Былжырамасын, басты қатырмасын, мен 2001 жылдан бері тұрып жатырмын ғой  сол жақта.

Аудандық сот та шешімді Құлмахановтың пайдасына шығарыпты. Содан жалғызбасты ана қалалық сотқа талап арыз түсірген. Бірақ, мұнда да қанағаттанарлық шешім шыққан жоқ.

Гүлнар Қожаханова, Алматы қалалық сотының судьясы:

-Бір адамның жер теліміне келіп орныға бастауы өзге адамның иелік етуіне кедергі бола алмайды. Сондықтан арыз түсірушілердің қойған талабы тек кей тұстары ғана қанағаттандырылды. Ал бұрынғы сот шешімі өз күшінде қалады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!