Шымкентте дүкенді қопарған көлік жүргізушісі мұндай әрекетінің себебін түсіндірді

Шымкентте көлік өздігінен жүріп кетіп, дүкен ішінде бір-ақ тоқтады. Ал, машинаның өз бетінше қозғалуына жүргізушінің қалтасындағы оталдырғыш пульттің кездейсоқ басылып кетуі себеп болыпты. Тротуардан асып, жол жиегіндегі дүкеннің терезесін сындырып кірген Нексияның жартысы сыртта тұр. Зардап шеккендер жоқ. Бірақ сауда үйінде болған бірен-саран сатып алушылар мен қызметкерлер кәдімгідей шошып қалған. Автокөлігін абайсызда оталдырған азамат енді дүкенге келген шығынды өтейді.