Астанада жатақхана өртеніп бала қаза тапты

Астанада жатақхана өртеніп, ондаған отбасы далада қалғалы тұр. Бір өкініштісі, тұтанған оттан кішкентай бала көз жұмды. Бүлдіршіннің денесі өртке оранған жатақхананың бөлмесінен табылды. Қызыл жалын тал түсте дәл осы жатақханадан тұтанған. Өрт сөндірушілер оқиға орнына жеткенде, мына бөлменің ішінде тұрмыстық заттар лаулап жанып жатыр екен. Тілсіз жаудан он тұрғын құтқарылды. Ал бір бала ысқа тұншығып, қаза тапқан. Тағы алты адам ауыр жарақатпен ауруханаға жеткізілді.