Байқоңырда ірі сауда орталығы жанып кетті

Байқоңырда 200-дей бутигі бар сауда үйі өртеніп кетті. Түнде тұтанған қызыл жалын таң атқанда барып әрең өшірілді. Мың шаршы метр аумақтың түгі қалмай өртеніп кеткен. Тілсіз жаумен түні бойы алысқан Ресей құтқарушылары, тіпті  іргелес орналасқан ғимараттарды да сақтап қала алмады. Байқоңыр жастары барып жүрген жалғыз диско-клуб та отқа ораныпты. Түгі қалмай өртенген «Еуразия» сауда үйі де қаладағы киім сататын жалғыз ірі дүкен екен. Өрттің неден шыққаны әзірге белгісіз.