Астанаға алғашқы қар жауды

Қыстың да ауылы алыс емес! Астанаға алғашқы ақ ұлпа төгілді! Таңнан бері ашық тұрған аспаннан кешке жақын аяқ асты қар жауды. Қазан айындағы ауа-райының тосын құбылысынан елордалықтар абдырап қалды. Енді алда қысқы техникаларын гараждан әлі шығарып үлгермеген комуналшыларды қауырт жұмыс күтіп тұр. Бірақ бұл жолғы қар жерге түскен бойда тез еріп кетіп жатыр. Ал синоптиктер бұдан былай ауа-райының суыйтынын айтады. Еліміздің басым бөлігінде жауынның соңы қарға ұласуы мүмкін.